Mèr as ich zjúst zen,  mag ich 't stroa'et néi euverstèke en mot ich rechtendoor goñ.  Dus mot ich goñ tot anne bóu'erentore en doa'e mot ich dan zéin um te drèèn en dan den hiele stiewig wier terug  kome tot an die'e winkel mé die humsknöpkes. Dan zen ich miskéins twie’e ùi'er onnerwège, dan mot ich, wéi wit , onnerwège nog bè ne skóunmaker bienne vur hallef lappe te lötte zette omda m'n zole dan te hèt afgeslete zulle zen. 't Es nog de vroag of ge doa'e in al die winkels zoemèr biennegerakt?

Ze hemme, as ge da huurt, al wèke moord en brand geskrie'efd en gepermeteerd da ze hun kemmèrs néi meuge ope dóun.  Noa dat 't zoe wèèd es, noa zen ze alle meugeleke tóu'ere an ‘t öthoale en van alle opstakels an 't inie'enstèke vur os toch mer böete te hoon.  Vrugger ware ze pas kontent as 't 'r zoeveul klante ware dat ze mee 't gat böetestake en noa krège ze ö persès as ter al twie'e klante bienne stön.

't Es zjúst 't zelfste as mé die mondmaskers. In 't begien war 't vur niks noe'edig da ge die oandeed want 't dee toch niks af, het dee perséis mie’er koa'ed as góud.  't Kost allie'en déine vur in Oalst no de karneval te goñ, want doa'e rezenére ze van hóu zotter hóu plezanter.

Ich dink dat 't beste es da we de kat öt de boe'em kieke, en moest 't zen dat 'r ternoa niks ne mie'e euver skéit dan kunne we mé ós geld nog altèè dóun wa we wille.  Al was ‘t opstoke.

Marcel